Monday, January 15, 2018

Prosedimentu Rejistu Profesional Saúde

Tuir artigu 4º Dekretu-Lei Nº 40/2011, 21 Setembru, profesional saúde sira hotu ne'ebé hakarek halao ezersísiu nudar profesional saúde iha Timor-Leste, presiza rejista-an iha Ministériu Saúde. Rejistu Profesional ne'e komprova ho emisaun Sédula ou Kartaun Profesional. Prosesu rejistu profesional atu hetan Sédula ou Kartaun Profesional mak hanesn tuir mai ne‘e:
  1. Halo rekerimentu ba Ministru Saúde atu husu emisaun ou renovasaun Sédula ou Kartaun Profesional. Klik iha ne‘e atu download formuláriu ou minuta rekerimentu nian.
  2. Preenxe Formuláriu Rejistu Profesional tuir template ne‘ebé SEAP-GGKS prepara tiha ona. Klik iha ne‘e atu download template Formuláriu Rejistu Profesional.
  3. Entrega rekerimentu ho dokumentus sira ne'ebé presiza tuir dispotu iha artigu 6º Dekretu-Lei Nº 40/2011, 21 Setembru, iha:
    • Servisus Étika no Asuntus Profesionais (SEAP)
    • Gabinete Garantia Kualidade iha Saúde (GGKS)
    • Edifísiu Servisus  Sentrais Ministériu Saúde
    • Caicoli, Dili
    • Telefone +6703331308

    • Resesaun dokumentu loro-loron iha oras servisu

  4. Dokumentus sira ne'ebé presiza aneksa ho Rekerimentu Kartaun Profesional mak:
    1. Ba Kartaun ou Sédula Rejistu Profesional Primeira Via
      1. Formuláriu Rejistu Profesional ne'ebé preenxe tiha ona. Klik iha ne'é atu loke Formul]ariu Rejistu Profesional Online. Wainhira preenxe hotu ona, klik Verifika. Sei mosu janela pop-up ida ho informasaun sira hotu ne'ebé rekerente hatama tiha ona. Favor halo verifikasaun lolós. Wainhira lós hotu ona, bele klik atu Imprime (Print) ou Rai hanesan PDF. Formuláriu ne'ebé imprime tiha ona LABELE asina lai. Asinatura halo iha ofisial SEAP-GGKS nia oin.
      2. Diploma Kualifikasaun Akadémika. Aplika ba rekerente hotu-hotu
      3. Kópia husi dokumentu Sertifikasaun Institusional no Sertifikasaun Programátika husi entidade relevante ne'ebé autentika tiha ona iha Ministériu Edukasaun Timor-Leste'
      4. Kópia Dokumentu Identifikasaun lori hamutuk ho Dokumentu Identifikasaun orijinal atu halao prosesu verifikasaun no autentikasaun husi ofisial SEAP-GGKS
      5. Sertifikadu Rejistu Profesional. Aplika ba profesional nasional i/ou estranjeiru ne'ebé halao tiha ona vida profesional saúde iha nasaun seluk.
      6. Deklarasaun katak laiha impedimentu ba nia ezersísiu profesional (Good Standing Dclaration) husi entidade kompetente. Aplika ba profesional nasional i/ou estranjeiru ne'ebé halao tiha ona vida profesional saúde iha nasaun seluk. Aplika mós ba profesional sira ne'ebé husu renovasaun ba Sédula ou Kartaun Profesional.
      7. Sertidaun Rejistu Kriminal husi autoridade kompetente. Rekerentes nasionais sira bele trata Sertifikadu Rejistu Kriminal iha Minitériu Justisa
    2. Ba ronovasaun Sédula ou Kartaun Rejistu Profesional
      1. Sédula ou Kartaun Profesional tuan
      2. Rekomendasaun husi DIretor Klíniku ou Jestor Máximu fatin serivu
      3. Formuláriu Avaliasaun Profesional husi fatin servisu
      4. Kópia Dokumentu Identifikasaun lori hamutuk ho Dokumentu Identifikasaun orijinal atu halao prosesu verifikasaun no autentikasaun husi ofisial SEAP-GGKS. Ba estranjeiru sira Pasaporte tenki ezibe VISTU SERVISU válidu
      5. Deklarasaun katak laiha impedimentu ba nia ezersísiu profesional (Good Standing Dclaration) husi entidade kompetente. Aplika ba profesional nasional i/ou estranjeiru ne'ebé halao tiha ona vida profesional saúde iha nasaun seluk. Aplika mós ba profesional sira ne'ebé husu renovasaun ba Sédula ou Kartaun Profesional.
Posted by at
Labels:

No comments:

Post a Comment

Subscribe to: Post Comments (Atom)